கரிசல் காடு

தீபாவளி

2009-10-17T01:06:00.012+05:30

இதோடு மூன்று தீபாவளி பார்க்க கூட முடியாமல் போச்சு... தல தீபாவளி கூட எப்படி இருக்கும்னு தெரியாம போச்சு. என்னோட மாமனார் தப்பித்தார்னு நினைக்குறேன். தல தீபாவளி என்னோட நண்பி விந்தியா சிங்கப்பூர் வீட்ல கொண்டாடினோம். பேருக்கு கூட சிங்கப்பூர்ல பட்டாசு வெடிக்க முடியாது.. என்ன பண்ண ?.

தீபாவளி பார்த்து தான் மூன்று வருஷம் ஆச்சு. ஆனா கொண்டாடி பத்து வருஷம் ஆச்சு.. வேலைக்கு போகுற வரைக்கும் என்ன பண்ணிட்டோம் தீபாவளி கொண்டாட அப்படின்னு ஒரு நெனப்பு... அப்புறம் இது ஒரு வேலைன்னு இதுக்கு தீபவளியான்னு... அப்புறம் நம்ம குடும்பத்தோட நிதி நெலம சரி ஆனா உடனே தீபாவளி கொண்டாடலாம்னு... அப்படியே பத்து வருஷம் ஆயிருச்சு... போன வருசமாவது என்னோட துணைவியார் கூட இருந்தாங்க.. இந்த வருஷம் அதுவும் இல்ல... அட பாவி சந்தோசமா இருக்க வேண்டியது தான அப்படின்னு நீங்க கேட்குறது தெரியுது... இருந்தாலும் ஒரு நல்ல நாளுக்கு நம்ம துணைவியார் இருந்தா நல்ல இருக்கும்லே....

இந்த பத்து வருசத்துல ஒரு தீபாவளி கூட ஞாபகம் வரல... ஒரு போராட்டமான வாழ்க்கையதான் இருந்துருக்கு.. தீபாவளிக்கு என்ன பண்ணுறதுன்னு தெரியாம மவுண்ட் ரோட்ல ஆள் இல்லாத ரோட்ல வண்டிய எதோ ஒரு ஞாபகத்துல ஓட்டுனது மட்டும் தான் ஞாபகம் இருக்கு... அதுவும் தீபாவளி வந்துட்டா இந்த சென்னைல ஒன்னும் கிடைக்காது.. ஒரு நாதி இருக்காது. அப்பத்தான் தெரியும் சென்னை வெறும் இடம் பெயர்ந்தவர்களின் கூடாரம் என்று. சென்னை ரோட்ல தனிமைய தெரியிறது அன்று மட்டும் தான். ஆனா அன்னைக்கு வண்டி ஓட்டறது 'தனி'(மை) சுகம்.

அடுத்து ஞாபகம் வர்ற தீபாவளி, ஐந்து முதல் பத்து வயது வரை கொண்டாடுவது... தீபாவளி வருவதற்கு ஆறு மாதத்திற்கு முன்னாடியே அதுக்கு துட்டு சேர்ப்பதில் இருந்து தீபாவளி சுரம் ஆரம்பித்து விடும்.வீட்டில் குடுக்குற இருபைதந்து காசை மிட்டாய் வாங்காமல் சேர்த்து வைத்து இருபைதந்து ரூபாய் சேர்த்து வைப்பதில் ஆரம்பித்து விடும். அந்த ரூபாய் தான் பட்டாசு வாங்க. தீபாவளி அன்னைக்கு சீக்கிரமா எழுந்து குளிச்சி, அம்மா சாமி கும்பிடிற வரைக்கு அந்த புத்தாடை மேலேயே ஒரு கண்ணு இருக்கும் இருக்கும். அதுக்கு முன்னாடி பக்கத்துக்கு வீட்ல இருக்கிற யாரும் புத்தாடை உடுத்தி விடுவார்களோ அப்படின்னு ஒரு பரபரப்பு இருக்கும்.அடுத்து புது சட்டைய போட்டு விட்டு உறவினர் வீட்டுக்கு போயி காசு வாங்கிட்டு நண்பர்கள் கிட்ட அத காட்டுவது அலாதி சந்தோசம். எங்க பாட்டி எனக்கு ஒரு ரூபாய் தான் குடுப்பார்கள் அதுல இருக்குற சந்தோசம் இப்ப கிடைக்குற சம்பளத்தில் கிடைப்பதில்லை ஏனோ!!!..

எதோ பட்டி மன்றத்தில் சொன்ன மாதிரி, தாள் அதிகமாக வர்ற பட்டாச வாங்கி வெடிக்கறது. முதல் நாள் வாங்கி வந்த பட்டாச மூன்றாக பிரித்து.. ஒன்று முதல் நாள் இரவுக்கு.. அடுத்து தீபாவளி அன்னைக்கு பகலில்.. அடுத்து கடைசியாக தீபாவளி இரவுக்கு பிரித்து வைத்து தான் வெடிப்பது... இது வரை அளவில்லாமல் வெடித்ததை விட அளவோடு வெடித்ததில் சந்தோசம் அதிகம். அளவில்லாமல் வெடிக்க வாய்ப்பு இருந்தது இல்லை. பட்டாசில் எனக்கு ரெம்ப பிடித்து 'புல்லட்' பாம், அணுகுண்டை விட சிறியதாக ஆனால் அதை விட பயங்கரமா வெடிக்கும். இருப்பதிலே ராக்கெட் தான் ரெம்ப விலை மிகுந்தது.. இப்ப கூட அப்படிதான் என்று நினைக்குறேன்.. அது வெடிக்கறது எல்லாம் ஒன்று அல்லது இரண்டாக இருக்கும். அதுக்கு சுத்தி உள்ள எல்லா பசங்களையும் மொட்ட மாடிக்கு கூட்டிக்கொண்டு போயி போடறது.. அடுத்த நாள் அதே சட்டைய போட்டு கொண்டு பள்ளிக்கு போவதில் உள்ள சந்தோசம் தனி...

முதல் தடவையாக 'i am missing something for deepavali'. சம கால திரைபடத்தில் கரிசல் காட்டு வாழ்க்கையை படம் பிடித்த படம் 'வெயில்'. எனக்கு மிகவும் பிடித்த பாடல் அந்த சிறுவர்களின் 'வெயிலோடு விளையாடி... உயிரோடு உறவாடி..'. அந்த கரிசல் காட்டின் நினைவாக இந்த பிளாக் பெயரை மாற்றுகிறேன்.

தசாவதாரம் - ஒரு பார்வை

2008-06-14T05:24:00.001+05:30

முதல் முறையாக ஒரு விமர்சனம் எழுதினால் என்ன அப்படின்னு தோணி... எழுதுறேன்.. நல்ல எல்லாம் தெரிஞ்சவங்க தான் விமர்சனம் எழுத முடியும்... அதனால இது ஒரு பார்வை தான்.. நல்ல பார்வையா? இல்ல நொள்ள பார்வையன்னு நீங்க தான் பார்த்து சொல்லணும்...

கமலுடைய உழைப்பு நிறையவே தெரிகிறது படத்தில். எல்லாமே கமல் தான் போல... ஒரு கடினமான கதையை சாதரண மக்களுக்கு புரிகின்ற மாதிரி எடுத்ததுக்கு பாராட்ட வேண்டும். அப்புறம் அவரோட பத்து வேடங்களும் அருமை. ஆனால் அது தான் பிரச்சனையே. எல்லாம் முக முடி போட்டு விட்டு வந்த மாதிரி இருக்கு. கதைக்கு கொஞ்சம் பத்து வேடம் அதிகம் தான். It is distracting from the main story.

கமல் சார் உங்களுக்கு பிரமாண்டம் வேண்டாம்.. உங்களோட நடிப்பு திறமை போதும்... அது பிரமாண்டத்துக்கு பிரமாண்டம்...

தசாவதாரம் இன்னும் ஒரு ஆளவந்தான்.. முக மூடி கொள்ளைக்காரன்.

Feelings of India

2008-04-29T23:34:00.005+05:30

எங்கே நான் போனாலும்
என் வாழ்வில் என்றும்
உன் நிழலில் இளைப்பாற
வருவேன் கண்ணே..

மரணம் தான் வந்தாலும்
பூச்சண்டு தந்து..
உன் மடியில் தலை சாய்த்து
இறப்பேன் பெண்ணே...

தொட்டு தொட்டு என்னை
வெற்று களி மண்ணை
சிற்பமாக யார் செய்ததோ...

ஆறுதல் - Positive Look

2008-04-29T22:58:00.003+05:30

இப்ப இது அ(ஆ)ப்புரசில் நேரம்.. இப்படி தான் தலைப்பு போட வேண்டி இருக்குது.. என்ன பண்ணுறது... என்னோட எல்லா பதிவையும் படிக்கும் போது.. தெரியும்.. நான் எவ்ளோ பொறுமைசாலின்னு... இப்படி தான் இந்த வருசமும்... அ(ஆ)ப்புரசில் பக்கத்த ஓப்பன் பண்ணி வச்சு... அய்யோடா என்ன பண்ணுறது.. என்ன போட்டாலும் ஒண்ணும் ஒப்பேர போறதில்ல.. அப்படின்னு... வழக்கம் போல எதாவது திட்டி எழுதலாம்னு கன்னத்துல கைய்ய வச்சுட்டு உட்காருந்தேன்... அப்ப பாத்து என்னோட கூட வேலை பாக்குறவன் வந்து... மருது... என்னதான் ஒண்ணுமே சரி இல்லன்னாலும்... எவ்ளோ கஷ்டத்துலயும்.. positive look இருக்கதுறது தான் நல்லது... அப்படின்னு சொல்லிட்டு போயிட்டான்... அதுக்கு அப்புறம் உட்காந்து யோசிச்ச.. அஹா இப்படி வேற இருக்கா... அப்படின்னு அ(ஆ)ப்புரசில் முடிசிட்டேன்... பொதுவா அ(ஆ)ப்புரசில் முடிச்ச உடனே நம்ம மேனேஜர்-ஏ பாத்து கோபம் வரும்... முதல் முறைய எனக்கு ஒரு confidence வந்துச்சு.....

இத மாதிரி தான்... பன்னிரண்டாவது வகுப்பு படிக்கும் போது.. எனக்கு கொஞ்சம் கணக்கு நல்ல வரும்... ஹலோ அந்த கணக்கு இல்ல.... நான் சொல்லுறது கணக்கு பாடம்.... அத நம்பி தான் என்னோட பொறியியல் கல்லூரி கனவே இருந்துச்சு... நான் chemistry ல கொஞ்சம் வீக்... ஆமா ரெண்டு chemistry யும் தான்... முதல் நாள் chemistry க்கு நைட் பகல்னு பாரமா படிச்சுட்டு.... (எவ்ளோ தான் படிச்சாலும் அது ஊத்திருச்சு).. மறுநாள் கணக்கு பரிட்சை... மறுநாள் பன்னிரண்டு மணிக்கே தூக்கம் வந்துருச்சு... இன்னும் ஒரு மூணு chapter நான் ரிவைஸ் பண்ணவே இல்ல.... சரி காலையில எழுந்து படிக்கலாம் னு.. அம்மாவ என்னை ஐந்து மணிக்கு எழுப்ப சொன்னேன்... அம்மா என்னை எழுப்புனது ஏழு மணிக்கு.... ஒரே அடம்... அழுகை.. என்னோட கனவு எல்லாம் போச்சுன்னு... நான் இன்னிமே ஒண்ணும் பண்ண முடியாதுன்னு... அப்ப எங்க அம்மா... "ஒண்ணும் கவலை படாத ராசா... நான் தப்பு பண்ணிட்டேன்... நீ மார்க் கம்மி எடுத்தாலும்... பரவ இல்ல.. நான் உன்னை காசு குடுத்து படிக்க போடுறன்..." அப்படின்னு அனுப்பி வச்சாங்க... ஒரே முகம் வீங்கி பரிட்சை எழுத போனேன்... போன... அங்க ஒரே தெரிஞ்ச கணக்கா வந்து அதுல நூறு சதவீத மார்க் எடுதுட்டன்... எனக்கும் அப்ப தெரியும் எங்க வீட்டுல என்னை காசு குடுத்து படிக்க போட முடியாதுன்னு... ஆனாலும் அந்த பொய்யே நம்பி... அந்த ஆறுதல் வார்த்தை என்னோட வாழ்க்கைய மாத்திரிச்சு...

பொய் சில நேரங்களில் அழகு.... வாழ்க்கை திசை மாற்றி...

இனிய தமிழ் புத்தாண்டு நல்வாழ்த்துக்கள்

2008-04-14T03:59:00.002+05:30

என்னதான் அரசு இனிமே தமிழ் புத்தாண்டு தை மாசம்னு சொன்னாலும்... நம்மளுக்கு எல்லாம் எப்பவுமே சித்திரை மாசம் தான் புத்தாண்டு... யாரே கேட்டு இப்படி எல்லாம் பண்ணுறாங்கன்னு தெரியல... ஊர்ல பல பிரச்சனை இருக்கும் போது இவங்களுக்கு இதுக்கும் மட்டும் எப்படித்தான் நேரம் கிடைக்குதோ... இது மக்களுக்கும் அரசுக்கும் உள்ள இடைவெளியை காட்டுகிறது...

வழக்கம் போல இன்று எல்லா கோவிலும் நிரம்பி வழிந்திருக்கும்... நானும் போனேன்... சரி இன்னும் எவ்ளோ நாள் இந்த சிகாகோ ல இருப்பன்னு தெரியாது... போயி அரோரா பாலாஜி கோவிலுக்கு போயி நல்ல பொண்ணா பாத்து கொடு.. அப்படின்னு வேண்டிட்டு... போயி நல்ல சாப்பாடு சாப்பிட்டு வரலாம்னு நெனைச்சு போனேன்...

போனால் இன்னைக்கு எதோ முருகன் கல்யாணம் நடந்துட்டு இருத்துச்சு.... அப்படியே பக்தி பரவசதுல... பாத்திட்டு இருந்தேன்... சத்தியமா... நம்புங்க... அப்போது பாத்து பக்கத்துல இருந்தவரு... என்ன விசேசம் அப்படின்னு கேட்டாரு... நான் ஒரு முழி முழிச்சிட்டு... எதாவது முருகன் திருக்கல்யாணம் இருக்கும்... அப்படி இல்லன்னா... தைப்புசமா இருக்கும் அப்படின்னு உளறி விட்டான்... அந்தாளு நம்மள ஒரு மொற விட்டாரு... அஹா மாட்டிக்கிட்ட மருதுன்னு.... எஸ்கேப் அயிட்டனே...

நீங்களே சொல்லுங்க... புது வருஷம் தை மாதம் வரும் பொழுது... தை புசம் சித்திரைல வரக்கொடதா?...

நம்மள யாராலும் ஏமாத்த முடியாது!!!!! ஆமா!!!!!

இனிய தமிழ் புத்தாண்டு வாழ்த்துக்கள் நண்பர்களே!!!!

Video Testing Enjoy

My Recent Love

2008-04-06T07:45:00.004+05:30

மொக்கை செம மொக்கை!!!!!!!!!

2008-03-27T08:46:00.002+05:30

மைண்ட் ஒரே blank a இருக்கு

Mind and Body Co-ordination failed...

ஏய் நானும் ரவுடி தான்

2008-03-24T06:57:00.004+05:30

இந்த பதிவு பொங்கலுக்கு போட வேண்டியது.. நான் பயங்கர சோம்பேறி ஆயிட்டேன்... என்ன பண்ணுவது.. ஆளாளுக்கு ரூம் போட்டு அடிக்கிறாங்க... ம்ம்ம்.. அத விடுங்க...

அந்த காலத்துல... 1947 ல... ச்சே... அப்படியெல்லாம் ஒண்ணும் இல்ல... பயந்துராதீங்க.... பொங்கல் அப்படின்னா எங்க ஊரில் போட்டியெல்லாம் நடத்துவாங்க... நம்ம வழக்கம் போல அதுக்கெல்லாம் கலந்து கொள்ளுவது இல்ல... ஒரு கரும்பா தின்னுட்டு... போயி வேடிக்கை மட்டும் பாக்குறது... இல்ல ஊரில் உள்ள டூரிங் டாக்கீஸ் போயி மாலை நேர படம் பாத்துட்டு... ஒரு முறுக்கு சாப்பிட்டு.. பொங்கல முடிச்சிருவேன்...

நான் கல்லூரியில் இரண்டாம் வருடம் படிக்கும் போது முதன் முறையாக தமிழ்நாட்டில் உள்ளாட்சி தேர்தல் நடந்தது... வந்தது எல்லா வினையும்... தாய் பிள்ளையா பழகுன எல்லோரும் எதிரி ஆயிட்டாங்க... எல்லாம் இந்த பணம், ஆட்சி, அதிகாரம் பண்ணுற வேலை... அப்ப கொஞ்சம் நம்மளுக்கு தெனாவட்டு அதிகம்.. என்னடா நம்மள யாரும் கெட்ட பய்யன்னு சொல்ல மட்டேன்கிறானுக.. அப்படின்னு ஒரு எண்ணம்... கெட்ட பேரு வாங்கனும்னு பயங்கர துடிப்பு ...

அப்படித்தான் போயி கபடி பார்க்க போயிருந்தேன்... அப்ப பார்த்து யாரோ நம்ம சாதிக்காரனை அடிக்கறதா சொல்ல.. அஹா இது தாண்டா வாய்ப்புன்னு போனா... அது அவனுங்க குடும்ப சண்டை.... சரின்னு கிளம்பினால்... அதுல ஒருத்தன்... எங்க ஜாதிய பத்தி சொல்ல.. ஒரு U-Turn போடுறதுக்குள்ள.... எல்லோரும் அடிக்க ஆரம்பிச்சிட்டாங்க.... டேய் ... விடுங்க... நானும் அடிக்கலாம்னு பார்த்தா... பெரிய கும்பல் சேர்ந்துருசு... தனியா ஒருத்தன மாட்டினான்.. ஒரு கட்டைய எடுத்து ஒங்கினேன்... பின்னாடி இருந்து ஒரு கை.. என்ன பிடிச்சு இழுத்து போகுது... வேற யாரு எங்க அம்மா தான்... எல்லோரும் என்னையே பாக்குறாங்க... கையில பெரிய கட்டை..

மாலையில சட்டி போலீஸ் வந்து ஊரே ஒரு ரனகலமா ஆயிருச்சு... எல்லோரும் எங்க வீட்டுக்கு வந்து... என்னை வேற ஊருக்கு போக சொன்னாங்க... எல்லோரும் நான் அடிக்கறதா பாத்திட்டங்க... இல்ல இல்ல... அடிக்க போனத... என்ன பண்ணுறது... அடிக்க போனதுக்கு என்னை மூன்று நாட்களுக்கு ஊர் கடத்திட்டாங்க... ஹ்ம்ம் நம்ம ரவுடி கதை அதோட முடிஞ்சது....

கவிதை கவிதை

2008-03-22T06:55:00.000+05:30

உன்னோடு பேசிய
ஒவ்வொரு மணித்துளியும்

மரணப் படுக்கையுலும்
மறவாது கண்மணியே

கண்ணீர் அஞ்சலி

2008-02-28T08:37:00.003+05:30

அறிவியல் தமிழின் முன்னோடி
கற்றதை பெற்றதை அறியவைத்தவன்

என் இயந்திராவை குடுத்த ரோபோ நீ
போய் வா நீ

தமிழ் இருக்கும்
வரை நீ இருப்பாய்..

காப்பாத்துங்க

2008-02-21T08:32:00.001+05:30

முடியல என்னால முடியல

Super Tuesday

2008-02-05T21:26:00.000+05:30

It has been really a Super Tuesday. There is an air of excitement and enthusiasm. I haven't seen so much enthusiasm in politics never before. Here too people are fed up of bad politics. There is one man who gives the hope to American people and liberals, that’s Barack Obama. One can't stop admiring him after listening to his speeches. The kind of politics we only have seen in Movies. The way he sends the positive wave among the youths is remarkable. Whether he won GOP or not, Democrats and Americans should thank him for bringing youths to Politics.

And his magic words are "Yes we can".

Supporting Hillary Clinton for her relationship with India is pure selfishness. If she win then it is good for India. If Barack Obama win, it is good for America and others. There are so many problems which need to be solved in America itself. When i landed and understand America, i felt guilty for taking pie out of Americans. There are a discrimination amoung American people in the name of equality.

One policy which I like is that "Government will sponsor the study; in turn students should do a community work". As we Indians benefit from government subsidies, but we never participate in Politics or community work. That has to change in India.

இனிய பொங்கல் வாழ்த்துக்கள் - 1

2008-01-14T04:56:00.000+05:30

இந்த வருட பொங்கல் என்னோட தங்கைக்கு தலை பொங்கல், அதனால ரொம்ப முக்கியமான பொங்கல். அதுக்கப்புறம் எனக்கு இது தான் கடைசி பிரமச்சாரி பொங்கலா இருக்கும்னு நெனைக்கிறேன்.... ஏய்.. யாருச்சலும் பொண்ணு குடுங்கப்பா... இல்லாட்டி இந்த பதிவ அடுத்து வருசமும் போட வேண்டியிருக்கும். ஹ்ம்ம் நம்ம பிரச்சனை எனக்கு.....

வர வர பொங்கல் அவ்வளவு சிறப்பா இருக்கிறது இல்ல.. தீபாவளிக்கு இருக்கிற ஆர்பாட்டமோ... இல்ல உற்சாகமோ பொங்கலுக்கு இருப்பதில்லை...
முன்ன எல்லாம் நல்ல மகசூல் வரும்.. எனக்கு தெரிஞ்சு எங்க ஏரியல எங்கு பார்த்தாலும் பருத்தி நல்ல வரும்.. ஒரு கையளவு பருத்தி குடுத்தால் ஐம்பது கிராம் பொரிகடலை குடுப்பாங்க.. அவ்ளோ தேவை இருந்தது.. ஆனால் இன்னைக்கு ஒரு கைல குடுத்தால் சுருட்டுற தாள் கூட கிடைக்காது... விவசாயிக்கு கிடைக்க கூடிய விலை கிடைப்பது இல்லை.. அப்புறம் மழை ஒழுங்காக பெய்வதில்லை... மாற்று பயிர் சொல்ல ஆளில்லை.. விவசாயத்துறை படித்த யாரும் கிராமத்துக்கு வந்து சொன்னதை நான் பார்த்து இல்லை... அவங்கள பத்தி குறை சொல்லுவது தப்பு.. பத்து, பதினைந்து லட்சம் ரூபாய்னு மக்கள் பணத்துல படிச்ச டாக்டர் வர்றது இல்ல... ரெண்டு மூணு லட்சத்துல படிச்ச இன்ஜினியரிங் யாரும் கிராமத்துல வந்து ரோடு போடுறது இல்ல... மருத்துவமனை கெட்டுறது இல்ல... அவனவன் முப்பதாயிரம், நாப்பதியிரம் வாங்கும் போது இவன் மட்டும் இங்க இருந்து என்ன பண்ண... அப்புறம் விலைவாசி உயர்வு.. விவசாயி மகசூல் பண்ணி விக்கிற எதுவும் விலை ஏறுவது இல்லை.. ஆனால் இவன் அதையே திருப்பி வாங்கும் போது விலை அதிகம்... உளுந்து கொள்முதல் விலை கடந்த பத்து வருடத்தில் இரண்டு மடங்கு தான் அதிகரித்து உள்ளது... ஆனால் உதயம் உளுந்து பல மடங்கு அதிகரித்து விட்டது.... இதெல்லாம் இடைத்தரகர்களும், பண முதலைகளும் முழுங்கி விட்டன... வேலைக்கு ஆள் ஒன்றுக்கு பதினைந்து ரூபாயில் இருந்து இப்போது நூறு ரூபாய் ஆகி விட்டது.. என்ன அப்படின்னு கேட்டால் பெட்ரோல் விலை எரிவிட்டதாம்.. அப்ப விவசாயிக்கு அந்த பெட்ரோல் குறைச்சலா கிடைக்குதா?.. அவனுடைய கொள்முதல் விலை மட்டும் ஏன் ஏறவில்லை....

மார்கழியில் வரும் அறுவடைக்கும், மகாசூலுக்கும் நன்றி சொல்லத்தான் இந்த பொங்கல் ஆனால் விவசாயி சந்தோசம்-ஆக இல்லை.. அதனால் பொங்கல் அவ்ளோ சிறப்பாக இல்லை.. ஆனால் தீபாவளி எப்படி இல்லை...

படித்த நம்மளே இவ்ளோ பொறுப்பு இல்லாம இருக்கும் போது அடுத்தவன பத்தி ஒண்ணும் சொல்லோரதுக்கு இல்ல... எல்லோரையும் படித்து முடித்து ஒரு வருடம் எதாவது அரசாங்க துறையில் வேலை பார்க்க சொல்லணும்... இது டாக்டருக்கு மட்டும் இல்ல... "எல்லோர்க்கும்" ..... அப்பத்தான் அரசாங்கத்தில் என்ன நடக்குன்னு தெரியும்... அதுவரை ரவுடி அரசியல்வாதியாய் வருவதை இந்த நாட்டில் தடுக்க முடியாது... போயி ஒங்க ஊர்ல ரோடு போடு... எதாவது செய்... அப்பதான்... எல்லாவனுக்கும் படிப்பு முடித்தல் சான்றிதழ் தரப்படும்...

டாக்டர மட்டும் போக சொன்ன எப்படி போவான்... எதுக்கு ரோடு வேலை எல்லாம் தனியாருக்கு குடுக்கணும்.... அரசாங்கமே எடுத்து நடத்தி புதுசா வர்ற படித்த மக்களை விட்டு பாரு... அப்பத்தான் படிச்சவன் அரசியலுக்கு வர வாய்ப்பு உண்டு.... மக்களுக்கு நல்லது நடக்க வாய்ப்பு இருக்கு...

ரெம்ப சீரியசா போகுதோ....

இதபத்தி ஒரு frozen பரோட்டா தின்னுக்கிட்டே யோசிச்சு பார்த்தேன்... ஒன்னுமே வரல? எப்படி வரும் நம்ம தான் அடுத்தவன் கேட்பானோ அப்பிடின்னுட்ட யோசிச்சா எப்படி வரும்!!! அப்புறம் ஆபீஸ் ல போயி ஆணி புடுங்கும் போது டமால்-னு ஒரு பலப் எரிச்சது... அட அது அந்த மேசிகான் பிகரு பாத்தது அதனால இல்லங்க... நம்மளுக்கு எப்ப எது வரணுமோ... அப்ப வராது...

ரெம்ப சீரியசா ஆயிருச்சு இந்த பதிவு... அடுத்த பதிவு என்னோட மறக்க முடியாத காமெடி பொங்கல் நினைவுகள்....

தொடரும்....

The Dream

2008-01-10T19:59:00.000+05:30

There is one word to describe it Awesome... Hats off to Tata.. We are proud of you

Configuration??

2008-01-10T09:39:00.000+05:30

என்னோட நண்பன் ஒருத்தன் ஒரு லட்சம் காரோட விவரத்த மெயில் அனுப்பி இருந்தான்... இதுவா இருக்கோமோ .... இன்னும் கொஞ்ச நேரந்தான்...

VEHICLE SUMMARY

Name: Jeh - 1 Lakh Rupee Car
Model: Petrol
Car Body Type: Hatchback
Segment: A Segment
Top Speed: 90
Fuel Consumption: Highway 26।00
Fuel Consumption: City 22।00

ENGINE SPECIFICATIONS

Displacement: 796cc, 3 cylinder
Engine Type: Petrol
Maximum Power: 33bhp

OTHER SPECIFICATIONS
Seating Capacity: 4
Steering: No Power Steering
Brakes: Front Disk, Rear Drum
Gears: 4
Manual Fuel Tank: 30।00

COMFORT AND CONVENIENCE
AC: AC without Climate Control

ஒரு லட்சம் கார்

2008-01-08T08:56:00.000+05:30

இப்ப ஒரே பேச்சு இது தான்। அவனவன் இந்த காரு எவ்ளோ வேகமா போகும், ஏ.சி இருக்குமா, அப்புறம் இது பாக்கறதுக்கு நாள்ல இருக்குமா, 0-60 கிலோமீட்டர் 5 மணித்துளியில போகுமா? என்ன இருந்தாலும் இந்தியா-ல இருந்து தானா வருது அவ்ளோவா தரமா இருக்காது அப்படின்னு ஒரே பேச்சு... டேய் ஒரு லட்ச ரூபாய் குடுத்துட்டு உனக்கு 0-60 வந்து ஐந்து மணித்துளியில போகணுமா? அடங்குங்கடா!!!!!॥ இதுல இவனுங்களுக்கு நாட்ட பத்தி வேற கவலை.. இது வந்த ரோடு எல்லாம் நெருக்கடி ஆயிரும்னு.... திடிர்னு உலக வெப்ப-மயமாக்கல் அப்படி இப்படி-னு பேசுறானுங்க..

இதை எல்லாம் சொல்லி இந்த அற்புதமான ப்ராஜெக்ட்-ஏ கெடுக்காம இருங்க டா... என்னோட தாத்தா-க்கு ஒன்னு வாங்கி குடுக்கலாம்னு இருக்கேன்...

ஒவ்வொரு இந்தியனும் பெருமை பட வேண்டிய விஷயம் இது...

எனக்கு ரெண்டு கார் பதிவு பண்ணியாச்சு.....

அடுத்து அந்த காரோடு... ச்சே... கார் படத்தோடு வர்றனே..... vrrrrrrrrrrrom

நாங்க ரெடி போட்டிக்கு॥ நீங்க?

டப்பா டான்ஸ் அடபோகுது... டவுசர் கிழிய போகுது...

திரும்பி பார்க்கிறான் 2007

2007-12-31T11:01:00.001+05:30

நாம என்ன பெரிய கம்பெனி முதலாளியா? வருஷம் முடிச்சா கணக்கு சொல்ல. இந்த புது வருட கொள்கை, பிடிப்பு அது எல்லாம் நம்மளுக்கு கிடையாது இது வரைக்கும். நம்ம கொள்கை ஒன்னு தான் - "கடமையை செய் பலனை எதிர் பார்க்காதே". அப்படி இல்லன்னா இப்ப என்னோட கம்பெனில வேலை பார்ப்பானா!!!!!!எல்லா அப்ரேசிலும் ஆப்ப வச்சாலும் இன்னும் இருக்கோம்ல!!!!.. தூணுப்பா தூணு..

இந்த வருஷம் ரெம்ப நல்ல தான் இருந்துஞ்சுப்பா.. முதன் முதலாக நாட்டை விட்டு போனேன்... அப்புறம் கண்டம் விட்டு கண்டம் போயி... வலப்பக்கம் இடப்பக்கம் ஆனது.. முதல் மாடி மாறி இரண்டாம் மாடி ஆகியது. தண்ணி போயி தாள் வந்தது.. என்னது எதுக்கா... அதெல்லாம் சொம்மா சொல்லிட்டு இருக்க முடியாது.. உக்காந்து யோசிபாங்களோ இந்த ஊர்ல அப்படின்னு தோணுச்சு.. இப்படித்தான் ஆபீஸ்ல வலப்பக்கம் நடந்து எல்லோரும் நம்ம கிட்ட Excuse me கேட்க நானும் பெருந்தன்மையா மன்னித்து விட்டான்.. அப்புறம் தான் தெரிஞ்சது நான் தப்பா வந்தது..!!!! இந்த அவமானம் எல்லாம் நம்மளுக்கு புதுசா?.. ஆனாலும் இன்னும் சொறுல இருந்து burger/pizza -க்கு மாறல.. அதே சோறு தான்..

மிகவும் சந்தோஷமான விசயம் என்னோட தங்கையின் திருமணம். மிகவும் சிறப்பாக நடந்து முடிந்தது. எனக்கு சில அனுபவங்களையும், வாழ்க்கையின் மறுபக்கத்தையும் காட்டியது.

மறக்க முடியாத சில எண்ணங்களை/நிகழ்வுகளை/அனுபவங்களை இந்த வருடம் விட்டு சென்றுள்ளது.

அடுத்த வருட கதவுகளை இதோ திறந்து புதிய எண்ணங்களை / நிகழ்வுகளை / அனுபவங்களை வரவேற்க தயாராக இருக்கிறேன்.

புத்தாண்டு வாழ்த்துக்கள் நண்பர்களே...

என் சொந்தங்கள்

2007-12-26T07:49:00.000+05:30

எனக்கெல்லாம் இது வரைக்கும் என்னுடைய படிப்பிற்கு மற்றும் வேலை விசயமாக உதவிய, வழிகாட்டிய சொந்தங்கள் மட்டும் தான் மிகவும் நெருங்கி பழகியது உண்டு. எனக்கும் மற்ற சொந்தங்களுக்கும் அவ்வளவு நெருக்கம் கிடையாது. அடுத்து வழக்கம் போலே என்னுடைய நண்பர்களிடம் நான் நெருக்கமாக இருப்பேன். ஆனால் என்னுடைய தங்கை திருமணத்திற்கு மற்றும் பிற சொந்தங்கள் காட்டிய ஈடுபாடு என்னை நெகிழ வைத்தது. எதோ அவர்கள் வீட்டு திருமணம் போல இருந்தது.

திருமணம் முடிந்தவுடன் என்னுடைய பாரம் குறைந்தது, மனம் நெகிழ்ந்தது என் சொந்தங்களால். என்னால் எப்படி அவர்களுக்கு நன்றி செலுத்த முடியும் என்று தெரியவில்லை. கால் மனிதனாக இருந்த நான் அரை மனிதனாக மாறியது போன்ற உணர்வு. என்னுடைய மீதி பாதி உலகத்தை எனக்கு காட்டியது இந்த திருமணம்.

மீண்டும் அவர்களை சந்திக்க தயாராகிக் கொண்டு இருக்கிறேன்.

என்னை ஆண்டவன் ஊரில் - லண்டனிலிருந்து

2007-12-08T13:52:00.000+05:30

என்னை சுரண்டி பணக்காரன் ஆனா இங்கிலாந்திலும் இணையத்திற்கு காசு தான். இங்கே இறங்கியவுடன் ஒரு இனம்புரியாத உணர்வு.

இன்று உலக-வெப்பமயமாக்கல் மற்றும் தீவிரவாதம் என்று நல்லவன் போல் நடிக்கும் திருடன்.

காலம் சுழலும்... நானும் ஒரு நாள் மீழ்வேன்... உன்னை ஆழும் காலம் வரும்..

செய்த தவறுக்கு வருந்தியே ஆக வேண்டும்.

காசேதான் கடவுளப்பா!!!

2007-12-08T03:05:00.000+05:30

சிகாகோ ஏர்போர்ட்டுக்கு வந்து செக்-இன் பண்ணிட்டு "Wi-Fi" இருக்குன்னு ஒரு அறிவிப்ப பாத்துட்டு ஒரே சந்தோசமா இருந்தேன். இன்னைக்கு நம்மளோட ஒரு ஆசை நிறைவேற போகுதுன்னு பாத்தா.. செக்யூரிட்டி முடிச்சிட்டு வந்து லேப்டாப் எடுத்து திறந்து வச்சா கூகிள் சைட்டுக்கு பதிலா வேற ஏதோ bingo அப்படின்னு வருது. அதுக்கு அப்புறம்தான் தெரியுது இணையத்திற்கு 7 டாலர். அதன பார்த்தேன் இங்க தைப்பாலுக்கே காசு கேட்குறே ஊராச்சே!!!!!!!!

என்ன பண்ணுறது காசு குடுத்து போஸ்ட் போடுறேன்.. எப்படியோ ஆசை.. உண்மை ஆகி விட்டது.

நம்ம ஏழை நாட்டில் கூட அதுதாப்பா 'சென்னை' ல கூட இணையம் இலவசம்னு கேள்வி பட்டேன்.

என்னடா உலகம் இது....

சரி இந்தியா ல பார்ப்போம்.

கிறுக்கல்கள்

2007-11-30T08:48:00.000+05:30

தமிழில் பேசும் தமிழ்க்குல விளக்கு
வேற்று மொழியில் அர்ச்சனை எதற்கு!!!!

நம்ம பில்லாவோட பாட்ட கேட்டவுடன் மனதில் பதிந்த வரிகள்... நம்ம தலைவர் படத்தில கூட தமிழ் கல்யாணம் நடக்கும். எனக்கு கூட ஆசை தான், வீட்டுல நம்மள லூசோன்னு நெனைசிருவாங்க.... உண்மையுலே நம்ம இதுவரைக்கும் நடந்த தப்ப திருத்துகிறோமா..... இல்ல தேவை இல்லாம பயப்பிடறோமா...

அப்புறம் 'கற்றது தமிழ்' கூட அதைத்தான் சொல்லுது. அருமையான படம். படத்தில் சொன்ன அனைத்தும் மண்டையில் சுத்தியல் கொண்டு அடிப்பது போல இருக்கு. இந்தியா நிரம்ப முன்னேறி வருவதாக ஒரு மாயை உலகில் நம்ம இருக்கோம். இன்னும் என் கூட படிச்ச கோபால் மாதம் ௫5000 கு தானே வேலை பாக்குறான். என் கூட படிச்ச 60 பேருல 2 பேருதானே I.T ல வேலை பாக்கிறோம். அப்படின்னா எங்க கிராமமே முன்னேறிருச்சா?. ஆனா படிக்க வைக்க செலவு 10 மடங்கு ஆயிருச்சு. ஏற்ற தாழ்வு அதிகம் ஆக ஆக குற்றங்கள் அதிகம் ஆகும். சென்னையில் அதிக ஏற்ற தாழ்வு இல்லாமல் இருந்தது, இப்ப அதுக்கும் ஆப்பு வச்சாச்சு. குற்றங்கள் அதிகரிக்குமா? காலம் தான் பதில் சொல்லவேண்டும்.

அமெரிக்காவில் குற்றங்கள் அதிகம். எனக்கு தெரிஞ்சு பிச்சைக்காரனுக்கு பயப்படும் நாடு இதுவாகத்தான் இருக்கும். இப்படி தான் நானும் என்னோட ரூம்-மேட்டும் கடைக்கு போன, ஒரு பிச்சைக்காரன் வந்து ஒரு டாலர் கேட்டான். நம்ம ரூம்-மேட் வந்து தருவதாக சொல்லிட்டு போயிட்டு கடைக்குள்ள இருந்து வெளியே வர பயப்படுகிறார். சுட்டு போடுவனோன்னு பயந்தான். தினமும் ஒரு பெண் தீயிட்டு எரிக்க படுகிறாள் குப்பை தொட்டியிலே. 3 நாட்களுக்கு முன்பு சின்ன பசங்க சேர்ந்து 1 டாலருக்காக செனகல் டாக்டர சுட்டு கொன்று விட்டார்கள்.

இந்த அமெரிக்காவிலும் எல்லா பிரச்சனைகளும் உண்டு. ஆனாலும் நம்ம ஆளுங்க அடங்காம அமெரிக்கா அமெரிக்கான்னு அலையுரானுங்க. ஒரு மோசமான இளைய தலைமுறை அமெரிக்காவில் வளர்ந்து கொண்டிருக்கிறது. என்னுடைய பிள்ளை கண்டிப்பாக இங்கு வாழற என்னுடைய மனம் விரும்பவில்லை.

தங்கைக்கு கல்யாணம் இந்த டிசம்பர் 13 ஆம் தேதி. சந்தோசமாக இருக்கிறது. எனக்கு பிடித்த தமிழ் M.A படித்த வாத்தியார் தான் மாப்பிள்ளை.

அடுத்து நம்மளுக்கு emergency போட்டுருவாங்க. என்னது பாகிஸ்தான் போறேன்னு கேட்கிறீங்கள!!! அது நம்ம மௌலி மட்டும் தான் போவாரு. :-)

தமிழ் மொழி மாற்றி

2007-11-29T08:04:00.000+05:30

ரெம்ப நாளா தமிழ் மொழி மாற்றி (translater) தேடினா நம்ம கூகிள் இந்தியா சோதனை கூடம் புது மொழி மாற்றியுடன் (Transliteration) வந்திருக்கு.... try பண்ணி பாருங்க....

Chicago நகரம்

2007-07-23T22:58:00.000+05:30

நான்கு கண்ணாடி சுவர்களுக்குள்ளே
நானும் மெழுகுவர்த்தியும்
தனிமை தனிமையோ
தனிமை தனிமையோ
கொடுமை கொடுமையோ

Reporting from frankfurt

2007-07-08T14:39:00.000+05:30

hi friends this is maruthu reporting from frankfurt germany

unlike in singapore internet is not free though....

more photos and report watch this space

என்னுடைய முதல் வெளிநாட்டு அன்சைட் பயணம் - இந்தோனேசியா

2007-04-21T23:17:00.000+05:30

[If your are not able to see the tamil letters. In explorer go to View -> Encoding --> Unicode(UTF-8)]
என்னடா இது அன்சைட் அப்படினாலே வெளிநாடு தானே, அப்படின்னு நீங்க நினைக்கலாம். நம்ம வேலை பார்க்கின்ற அலுவலகம் அப்படி. நம்மள இந்தியாக்குள்ளே அன்சைட் அனுப்பி சில பேரு சாதனை ப்ண்ணிட்டாங்க. சரி அது எதுக்கு இப்ப வேற ஆப்புரேசில் வருது.

ஒவ்வொரு தடவை நண்பர்களை வழி அனுப்ப போகும் போதும் நானும் ஒரு நாளு போவேன்னு ஒரு சபதம் ஒரு ஆசை. நம்ம நண்பர்களெல்லாம் வருவாங்க ஜாலியா ஒரு கால்டாக்சி பிடிச்சி நம்ம காருல போக மக்கா எல்லோரும் பைக்ல வந்து நம்ம சாபத்த போக்குவாங்கன்னு ஒரு கனவு. (அது பற்றி தனி போஸ்ட்டே போடலாம்) அதுக்கு நாளும் ஏப்ரல் 14 குறிச்சா... நானும் நம்ம மெள்லி ரெண்டு பேரும் சேர்ந்து போவதாக இருந்தது. மெள்லி முன்பே போயிருப்பதால் அவரே எல்லா ஏற்பாடு செய்து விட்டார். அந்நிய செலவாணி முதல் வந்தது 4800 + 200 டாலர். ஓரே சந்தோசம், முதல் தடவை என்னமோ கலேஜ் ல 90 பெர்சன்ட் அட்டனஷ் எடுதத மாதிரி. அடுத்து டிக்கட் வந்தது.

அஹா நம்ம உண்மையிலே போக போகிறேன்னு நினைச்சா வந்தது ஆப்பு ஃபோனில்.. இ.சி.என்.ஆர். இல்லையென்று.. மெள்லி எப்ரல் 14 இல் கிளம்பி சென்று விட்டார். நம்ம தனியாக காமடி பண்ண மறுநாள் போகிறேன். ஏப்ரல் 16 -ல் மதியம் 3 மணிக்கு தான் அன்று நைட் போவது உறுதி ஆனது... நம்ம ப்ளைட் 11.45 P.M க்கு செக்-இன் டைம் 8.30 க்கு. அதுக்கு அப்புறம் நான் லேப்-டாப், டிக்கெட்டை டைட்ல் பார்க்கில் வாங்கிட்டு, பேக்கிங் பண்ணி அப்புறம் பாஸ்போர்ட் ஏக்மோரில் வாங்கி விட்டு ஏர்போர்ட் செல்ல வேண்டும். எல்லாம் முடிந்து பாஸ்போர்ட் வாங்கும் போது மணி 7:30. நண்பனை பெட்டியை நேராக ஏர்போர்ட்டிற்கு எடுத்து வர சொல்லி விட்டு, பைக்க எடுத்தா வண்டிக்கு அப்படி ஒரு வீரம் ... சும்மா பறக்குது... 7.55 க்கு வந்தாச்சு... பொதுவாக லேன் ல ஒழுங்க கடைபிடிப்பவன் நான்.. ஆனால் அன்று ..... எப்படியோ வந்து சேர்ந்தாச்சு. நம்ம ஆன்சைட் கனவு... ம்ம்ம்ம்ம்ம்...வெளிநாடு செல்ல பைக்கில் வந்தது நான் மட்டும் தான் இருக்கும்....
சாப்பிட்டு விட்டு உள்ள போனா செக்-இன் பண்ணி ஒரு ஃபார்ம் குடுந்தாங்க... வழக்கம் போல பேனா இல்லை.. உள்ள பேனா 50 ரூபாய்(3 ரூபாய் பேனா) கொடுத்து வாங்கி.. கஸ்டம்ஸ் முடிந்து உள்ள போய் செக்குரிட்டி போன அங்க ஒரு ஆப்பு.. ஒரு லக்கேஜ் தான் அனுமதிப்பார்களாம்.. இது என்னடா சோதனை.. பேக்கில் லேப்-டாப் போகல.... லேப்-டாப்பில் பேக் போகாது... அறைகுறையா வச்சி செக்குரிட்டி முடிச்சப்புறம் தான் உயிர் வந்தது.... இருந்த 2 மணி நேரத்தில் எல்லோருக்கும் ஃபோன் பண்ணினேன்.

அம்மா சொல்லுவாங்க எதுவுமே ஈசியா கிடைத்தால்... மறந்து போகும் என்று... இப்ப மறப்பேன்?...

ப்ளைட்டுக்குள்ள போனா ஒரு இன்ப அதிர்ச்சி... நான் வின்டோ சீட்டு.. ஆசைல் சீட்டில் அழகான பொண்ணு... நம்ம போகிற உள்நாட்டு விமானத்தில் நடு சீட்டில் யாரும் இருக்க மட்டாங்க... ஆஹா மச்சம்டா மருதுன்னு... உன்னாலே.. உன்னாலே.. படம்... தனிசான்னு ஒரே கனவு... நெனைத்து கூட முடிக்கல... வந்தான் ஒரு வில்லன்... 40 வயசு இருக்கும்... இங்கும் ஆப்பு..... ஒரே ஆப்பு.... ஆப்பு மேல ஆப்பு... அவருக்கு பெல்ட் போட சொல்லிக்குடுத்து... அவரு சும்மா விஸ்கியா உள்ள தள்ளுராரு... ம்ம்ம்ம்ம்ம்ம்ம்... அவருக்கு சர்வீஸ் லைட்டு எப்படி போடறதுன்னு சொல்லி குடுக்க நம்ம ஃபிகரு நம்மள சொன்னது... ஹி.. ஹி...ஹி... " நானும் அதையே தேடுவதாக வழிந்து உட்கார்ந்திருந்தேன்..."... நம்ம ஃபிகரு.. சொல்லி குடுக்க.. உடனே லைட்ட அமுக்கி தண்ணி கேட்க... அந்த பொண்ணு நம்மள ஒரு மாதிரி பார்த்தது... அதுக்கெல்லாம் நம்ம எப்ப கவலைப்பட்டோம்... தூசி தட்டிட்டு வந்து சிங்கப்பூர் வந்தாச்சு...

ஏற்கனவே சிங்கப்பூர் பற்றி நண்பர்கள் சொல்லி உள்ளதால், ஆச்சர்யம் ஒன்றும் இல்லை. மெளலி ஏற்கனவே சொல்லிய மாதிரி டாலரை மாற்றி விட்டு.. சிங்கப்பூர் ஏர்போர்ட்டை சுற்றி பார்த்தேன். என்னுடைய நண்பி விந்தியா கல்யாணம் பண்ணி அங்கு இருப்பதால்... அவளிடம் ஓரு 1 மணி நேரம் பேசி விட்டு..(லோகல் கால் ஓசி..ஹி..ஹி).... என்னுடைய ட்ரான்சிட் கேட்டுக்கு வந்து செக்-இன் பண்ணினால்.. அங்கு ஒரு ஃபார்ம் கொடுத்து... அதை நிரப்பி இந்தோனேசியாவில் கொடுக்க சொல்லி... ஃபிளைட்டில் ஏற்றினார்கள். இருந்த அலுப்பில் தூங்கி விட்டேன்... எழுந்து பார்த்தால் மேலிருந்து பார்த்தால் இந்தோனேசியா அழகாக இருந்தது... ஒரே பச்சையாக இருந்தது... வந்து இறங்கி கஸ்டம்ஸ் முடித்து வெளியே வந்தால் (Welcom Mr. Maruthiah) அப்படின்னு இருந்தது... அப்பாடின்னு ஒரு பெரு மூச்சு... நஸ்லம் வந்து என்னை ஹோட்டலுக்கு கூப்பிட வந்திருந்தான்.

இந்தோனேசியா என்னுடைய அனைத்து எதிர்மறையான எதிர்பார்ப்புகளையும் தவுடு பொடி ஆக்கியது. அருமையான ரோடுகள், பசுமையான நிலபரப்புகள்..

நான் நினைத்தது

நான் பார்த்தது

இந்தோனேசியா தலைநகரம் ஜாகார்த்தா, பழமையும் புதுமையும் பின்னி இருக்கும் நகரம். நீங்கள் மேலே பார்த்த ரெண்டும் உண்டு. பணக்காரர்களும் ஏழைகளும் வசிக்கும் நகரம். ரோடுகளில் அனைத்து விதமான கார்களையும் பார்க்கலாம்.. முக்கியமாக டயட்டோ அனைத்து இடங்களிலும்.. டாக்சி அனைத்தும்... அது போல் மேலே பார்க்கும் ஆட்டோ(Bhajai)... என்னை கவர்ந்தது ஜகார்தாட்ரான்ஸ் (JakartaTrans) என்னும் அதிவேக குளிரூட்டப்பட்ட பேருந்து சேவை. இதற்கு என்று தனி லேன்.. மேலே உள்ள 2வது புகைபடத்தில் டிவைடரை ஒட்டி உள்ளது இதற்கானது.

எல்லோரும் கேட்கும் 2வது கேள்வி எங்க ஊர் பெண்கள் எப்படி? (இந்தோனேசியா எப்படி முதல் கேள்வி..) எங்கும் பெண்கள்... அழகாக படைத்திருக்கிறான்.... விபச்சாரம் இங்கு அதிகம் போல... மெளலிய யாரோ கூப்பிட்டத சொன்னார்... நம்மள யாருமே..ம்ம்ம்ம்ம்ம்ம்ம்ம்... இங்குமா... நம்மள பாத்தா Terror-a தெரியிரோமோ... உங்களால் இதை இஸ்லாமிய நாடு என்றே சொல்லமுடியாது... அனைவரும் மேற்க்கத்திய உடையில் தான் இருக்கிறார்கள்.
வருவதற்கு முன்பு பயப்பட்ட ஒரே விசயம் உண்வு... நல்லவேளையாக நம்மூர் கோமலாஸ் இருந்ததால் தப்பித்தேன். இங்கு அனைத்திலும் மாடு, மீன், பன்றி இறைச்சி... சிப்ஸ் கூட நான் -வெஜ்... ஒரு காலத்தில் இதை பற்றி கவலை பட்டதில்லை... நேற்று சாப்பிங் போகும் போது தான் தெரிந்தது.. நான் எப்படி ஃபுட் கான்சியஸ் ஆகி விட்டேன் என்று.. பாவம் மெளலி தான் என்னால கஷ்டப்படுகிறார்.

என்னுடைய பிறந்தநாள் இன்று

இந்த பிறந்தநாள் போல வேற பிறந்தநாள் எதுவும் நாபகம் இருக்குமா என்று தெரியவில்லை.. எனக்கு இதுவரை யாரும் கேக் வெட்டியதில்லை... மெளலி அதிர்ச்சி சந்தோசம் குடுத்துவிட்டார்... அவருக்கு எப்படி கைமாறு செய்ய?..

உண்மையிலேயே கடந்த 4 மாதங்கள் என்னுடைய வாழ்வில் அழகான நாட்கள்... நன்றி...

இந்தோனேசியா பற்றி விரிவாக அடுத்து வரும்........